APR WVC YIHARIJE IBIHEMBO BY’ABAKINNYI BITWAYE NEZA MURI SHAMPIYONA

Mu bihembo byatanzwe ku bakinnyi bahize abandi muri Shampiyona ya Volleyball y’Abagore, ikipe ya APR WVC ni yo yigaragaje cyane yegukana ibihembo byinshi mu byiciro bitandukanye.

Mukandayisenga Benitha wa APR WVC yahembwe nk’umukinnyi mwiza wakiriye imipira (Best Receiver), mu gihe Achieng Ogweno Lina wegukanye igihembo cya Best Setter. Uwiringiyimana Albertine na we yahembwe nka Best Blocker, naho Umugwaneza Yvonne aba we wegukana igihembo cya Best Libero.

Ku ruhande rwa Kepler WVC, Musaniwabo Hope yabaye umukinnyi mwiza mu gutanga serivisi (Best Server), mu gihe Binta Bah Fatoumata yegukanye igihembo cya Best Attacker.

Aya makipe yombi yakomeje kwigaragaza nk’afite abakinnyi bafite urwego rwo hejuru muri volleyball y’abagore mu Rwanda.

Byanditswe na Igiraneza Migisha Janviére