Nyagatare WFC 0–2 APR WFC

‎

Mu mukino wabereye ku kibuga cya Nyagatare kuri uyu munsi, abafana bari buzuye icyizere n’akanyamuneza, Nyagatare WFC yakiriye APR WFC mu mukino wari utegerejwe n’abatari bake mu bakunda ruhago y’abagore.‎ APR yaje isa nk’ikipe yazindutse iherekejwe n’abarindamukoro b’imigisha, maze itsinda Nyagatare ibitego 2 k’ubusa.

‎Abatsinze ibitego ni:

• ‎Ukwishaka Zawadi ⚽
• ‎Umutoni Jeanette ⚽

‎

‎APR WFC yinjiye mu kibuga ifite icyizere giturutse ku myitozo ikomeye n’ubushake bwo kwigaragaza, mu gihe Nyagatare WFC yari ihagaze bwuma yifuza gukoresha ibyiza byo gukina imbere y’abafana bayo. Uko igitutu cyiyongeraga ku mpande zombi, umusifuzi yahuhagazaga ifirimbi itangiza umukino, abafana batangira gutera induru z’amashyi n’impundu.

‎

‎Mu gice cya mbere, APR WFC yigaragaje nk’ihanganye kandi irusha amahirwe mu kibuga hagati. Ni bwo Ukwishaka Zawadi yaje kubyaza umusaruro ikosa ry’ubugarira bwa Nyagatare WFC maze atsinda igitego cya mbere cyiza cyabanje gutera uburakari abafana ba Nyagatare ariko kigatuma abafana ba APR barenga imbibe z’ibyishimo.

‎

‎Igice cya kabiri cyatangiye amakipe yombi ataracogora. Nyagatare WFC yagerageje kugaruka mu mukino, ariko APR WFC iguma gukomera no kurinda neza. Ku ruhande rw’abo muri Kigali, umukino wari wuzuye gutera imbere, guhuza imipira no gutuma ikipe ikina nk’imwe.

‎

‎Igihe abafana bari bakomeje kwibaza niba igitego kimwe cyaba gihagije, ni bwo Mutoni Jeanette yaje kubatungura. Yahawe umupira mwiza mu rubuga rw’amahina, atera ishoti ryo mu rwego rwo hejuru rituma APR WFC yongera kubyina intsinzi. Icyo gitego cyombi cyaciye intege Nyagatare WFC, cyuzuza ibyishimo ku ruhande rw’APR.

Nubwo batsinzwe, Nyagatare yagerageje uko ishoboye. Bigeze aho basatira APR mu buryo butanga ikizere, ariko buri gihe APR yagarukaga imeze nk’inkuba yiturutse ku bicu by’inkuru.

‎

‎Abakinnyi ba Nyagatare bagerageje gutsindira mu mpande zose, ariko APR yagiye ibasubiza inyuma nk’uko umwuzure usunika ibiti mu mugezi.

‎

‎Umukino waje kurangira APR WFC ibonye intsinzi y’ibitego 2–0, intsinzi itumye biyongerera icyizere mu buryo bukomeye, mu gihe Nyagatare WFC isigaranye intego yo gusubiza hamwe no gushakira hamwe ibisubizo bizayifasha kuzazamura urwego rwayo mu mikino iri imbere.

‎

‎Kuri ubu Apr wfc ibaka iri k'umwanya wa Kane (4) n'amanota icumi (10) nyuma yo gutsinda Nyagatare wfc byayihesheje andi manota atatu (3) mu gihe Nyagatare wfc ari iyanyuma kur' urutonde rwa shampiyona ikaba ntamukino numwe iratsinda.

‎

‎APR WFC yagaragaje imbaraga zidasanzwe, isa nk’iyafashe “charge” ya gisirikare n’imbaraga z’abatoza bayo basize imipira mu mavuta.

‎

‎Nyagatare WFC yo yagaragaje umutima wo kudacika intege nubwo amafaranga y’imbaraga bari bafite atari ahagije ku munsi w’uyu mukino.

‎

‎Written: Migisha Janviére