Simba Queens Itsinze Top Girls

Simba Queens yatangiye neza CECAFA Zonal Qualifiers, itsinda Top Girls Academy ibitego 2-0.

Ikipe ya Simba Queens yo muri Tanzania yatangiye urugendo rwayo mu mikino yo gushaka itike ya CAF Women’s Champions League yitwara neza, nyuma yo gutsinda Top Girls Academy yo mu Burundi ibitego 2-0.

Umukino watangiye amakipe yombi ahatana, ariko Simba Queens iza kongera imbaraga mu gice cya kabiri. Aisha Mnunka ni we wafunguye amazamu ku munota wa 64’, aha Simba Queens icyizere cyo gushaka intsinzi.

Top Girls Academy yakomeje kugerageza kwishyura, ariko Simba Queens ikomeza kuyobora umukino. Ku munota wa 81’, Musakanda yatsinze igitego cya kabiri, atsindisha Simba Queens intsinzi ya 2-0.

Iyi ntsinzi itanga intangiriro nziza kuri Simba Queens muri iri rushanwa, mu gihe Top Girls Academy igomba kwitegura neza imikino ikurikira.

FT: Simba Queens 2-0 Top Girls Academy

⚽ Aisha Mnunka 64’

⚽ Musakanda 81’

Byanditswe na Igiraneza Migisha Janviere