Nirere Xaverine yegukanye isiganwa ry’abagore

Nirere Xaverine wa Team Amani yigaragaje nk’inkorokoro mu isiganwa ry’amagare ry’abagore n’abatarengeje imyaka 23, aho yegukanye intsinzi ikomeye nyuma yo gukora intera ya kilometero 89,9.

Nirere yakoresheje amasaha 3, iminota 7 n’amasegonda 43, asiga abandi ku ntera igaragara. Irakoze Neza Violette wa Komera Women Cycling Team yabaye uwa kabiri, asizwe iminota 17 n’amasegonda 16, mu gihe Ntakirutimana Martha wa Black Mamba Cycling yabaye uwa gatatu, asizwe iminota 31 n’amasegonda 56.

Iyi ntsinzi yashimangiye ubuhanga bwa Nirere Xaverine, usanzwe agaragaza ubushobozi bukomeye mu gusiganwa ku magare.

Byanditswe na Igiraneza Migisha Janviere