Kawempe Muslim Ladies FC Igeze kuri Final

Kawempe Muslim Ladies FC yanditse amateka akomeye muri CECAFA Women’s Champions League Qualifiers 2026, nyuma yo gutsinda CBE WFC ibitego 3-0, ihita ibona itike yo gukina umukino wa nyuma.

Kawempe Muslim Ladies yatangiye umukino isatira cyane, maze Jovia Nakagolo afungura amazamu ku munota wa 13. Mu gice cya kabiri, Tigist Adane yitsinze igitego cyitiriwe own goal ku munota wa 54, mbere y’uko Agnes Nabukenya ashyiraho akadomo ku munota wa 72, umukino urangira ari 3-0.

Iyi ntsinzi ikomeye yashimangiye ubudahangarwa bwa Kawempe Muslim Ladies, ibafasha gukata itike ya Final ya CECAFA WCL Qualifiers 2026, aho bagiye gukomeza guhatanira guhagararira akarere muri CAF Women’s Champions League.

Byanditswe na Igiraneza Migisha Janviere