🇷🇼 Minisitiri Nelly Mukazayire yashimiye abakobwa b’u Rwanda

Minisitiri wa Siporo, Nelly Mukazayire, yashimiye byimazeyo ikipe y’igihugu y’u Rwanda ya Volleyball y’abagore nyuma yo kwitwara neza mu Gikombe cya Afurika, ikagera muri ½ cy’irangiza.

Mukazayire yashimye umurava, ubwitange n’umwuka wo kurwanira ibendera ry’igihugu aba bakobwa bagaragaje kuva irushanwa ryatangira. Yabasabye gukomeza gukina bafite icyizere, kwitanga kugeza ku munota wa nyuma no guharanira kuzana intsinzi ishimisha Abanyarwanda.

Ati: “Mwarakoze cyane ku byo mumaze kugeraho. U Rwanda rurabishimira kandi rurabashyigikiye. Mukomeze mutange byose ku kibuga.”

U Rwanda ubu ruri kwitegura Misiri 🇪🇬, umukino ukomeye ushobora gufungura amarembo y’umukino wa nyuma. Abakobwa b’u Rwanda bafite amahirwe yo gukomeza gutungura Afurika no kwandika amateka mashya muri Volleyball.

🔥 Intambara ikomeye irategerejwe! Abanyarwanda bose amaso bayerekeje kuri iyi kipe y’igihugu, bizeye ko izakomeza urugendo rwayo igana ku gikombe.

Byanditswe na Igiraneza Migisha Janviere