FERWAFA irategura impinduka zikomeye mu mupira w’abagore

Ishyirahamwe ry’Umupira w’Amaguru mu Rwanda (FERWAFA) ryatangiye amahugurwa agamije kuzamura urwego rw’imiyoborere n’imikorere y’amakipe y’umupira w’amaguru w’abagore mu Rwanda.

Aya mahugurwa ari kubera ku bufatanye na FIFA, agamije gukomeza ubumenyi bw’abayobozi b’amakipe, kunoza imiyoborere, imikorere y’ubuyobozi ndetse no gushyiraho umusingi ukomeye w’iterambere rirambye rya ruhago y’abagore.

Umuyobozi w’agateganyo wa FERWAFA, Claudine Gasarabwe, yafunguye ku mugaragaro aya mahugurwa, mu gihe inzobere ya FIFA, José Andrés Portabella ukomoka mu Buholandi, ayoboye ibiganiro bya tekiniki.

Aya mahugurwa aje mu gihe ruhago y’abagore mu Rwanda ikomeje gutera imbere, aho amakipe n’abakinnyi bakomeje kwigaragaza mu marushanwa atandukanye. Ni intambwe ishobora gutuma umupira w’abagore urushaho gutera imbere, gukomera no kugera ku rwego rwo hejuru. ⚽🇷🇼

Byanditswe na Igiraneza Migisha Janviere