Amavubi atsinzwe na Ethiopia! 

Amavubi y’Abagore yatangiye urugendo rwo gushaka itike y’Imikino Olempike ya 2028 atangira nabi, atsindwa na Ethiopia igitego 1-0 mu mukino ubanza wabereye mu Rwanda.

Ni igitego cyaje gutungurana ku munota wa 45+1’, aho Uzayisenga Lydia yitsindira igitego cy’amahirwe, bituma Ethiopia ijya mu karuhuko iri imbere.

Nubwo Amavubi yashatse uko yakwishyura iki gitego, umukino warangiye Ethiopia yegukanye intsinzi, isiga Abanyarwandakazi bafite akazi gakomeye imbere!

Umukino wo kwishyura uzabera muri Ethiopia ku wa 13 Ukwakira 2026, aho Amavubi agomba gukora ibidasanzwe kugira ngo ahindure amateka kandi akomeze inzozi zo kugera muri Olempike.

Byanditswe na Igiraneza Migisha Janvière