APR WFC 0–2 Police WFC

‎

‎APR WFC yakiriye Police wfc ku kibuga cya APR WFC, umwuka wari waremye nk’uw’urugamba. Abafana bari baje ari benshi, buri wese afite icyizere ko ikipe ye izagusha inkuba zayo ku mukeba Police wfc. Ariko umupira ni ikiyaga cyuzuye amayobera uvuga gake ariko ugahindura byinshi.

‎

‎APR yinjiriye umukino yerekana ko ikibuga ari icyayo, ariko Police WFC yo yaje ifite umurongo wihariye kutihanganira ikosa na rimwe.

‎

‎ APR irasatira, Police yiga uburyo bwo kubahanda umutima

‎

‎APR WFC yatangiye umukino yotsa igitutu nk’inkuba igwa mu misozi, ikina umupira wihuta, ihinduranya pasinga zidasanzwe. Police WFC yo ntiyabuze umutuzo; yaryaga iminota nk’uwabwiwe ko kwihangana ari intwaro itavunika.

‎

‎Abakinnyi ba Police basa n’abateruye ijambo rimwe mu mutwe:

‎“Uwihanganye ni we utsinda.”

‎

‎Mu gihe APR Wfc yari ikomeje gusatira ariko ntibone umusaruro, Police WFC yaje guca ibintu mu buryo bw’amashitani atagira isoni. Rukia yahawe umupira mu buryo butandukanye, arawutwara nk’utwaye ubuzima bwe ku ntugu, ahagurukira hanze y’urubuga rw’amahina, ahita atera ishoti rikomeye.

‎

‎Umupira wahise ujya mu rushundura nk’uwahanuwe n’Imana ubwayo. Abafana ba APR baratuza nk’abapfuye, naho Police WFC irashaguka, ishyira ku kibuga ibirori byayo.

‎

‎Mu gice cya kabiri, APR WFC yagerageje kugaruka mu mukino, yotsa igitutu imipira isohoka hejuru, indi ikubita inshundura z’inyuma gusa.

‎

‎Police WFC yo yagarutse yikoresheje uburyo bwayo bw’amayobera. Ku mupira waturutse hagati, Nicole yarawufashe, arawuzengurutsa nk’uwacengeye imbaraga z’umuyaga, maze aterera ishoti mu rubuga rw’amahina umupira ujya mu izamu nk’igisiga cy'ihindukiriye ikirere.

‎

‎Icyo gitego cyahise kimeze nk’ikimenyetso cy’uko Police WFC itari yaje gukina gusa, ahubwo yaje gufata amanota uko byagenda kose.

‎Umukino urangira:APR WFC yasigaye yishakisha, ikina umupira uremereye n’ubushake bwo kwishyura, ariko byose bigahera mu nzozi. Police WFC ihagaze neza, ikina yifitiye icyizere, ikanagumana imbaraga kugeza umusifuzi ashyize akadomo ku mukino.

‎Police WFC isohoka mu mukino itwaye amanota atatu, APR isigara yibaza aho umukino wayiciye urwaho.

‎

‎

‎Police WFC itsinze APR WFC 2–0 ku bitego bya Rukia na Nicole, mu mukino wuzuye imbaraga n’ubuhanga bwatumye APR WFC icika intege mu rugamba rukomeye.

‎Uko amakipe yombi yitwaye mumikino itandatu ishize kugeza kuri uyu munsi wanone kumpande zombi:

‎APR WFC

‎Apr wfc 0 - 1 Macuba wfc 

‎Apr wfc 3 - 0 Muhazi wfc 

‎Apr wfc 1 - 0 Bugesera wfc 

‎Apr wfc 2 - 0 Inyemera wfc 

‎Apr wfc 1 - 1 As Kigali wfc 

‎Apr wfc 2 - 0 Nyagatare wfc 

‎Apr wfc 0 - 2 Police wfc 

‎Police WFC

‎Police wfc 3 - 0 Nyagatare wfc 

‎Police wfc 2 - 1 Forever wfc 

‎Police wfc 6 - 0 Kamonyi wfc 

‎Police wfc 3 - Macuba wfc 

‎Police wfc 2 - 1 Bugesera wfc 

‎Police wfc 6 - 2 As Kigali wfc 

‎Police wfc 2 - Apr wfc 

‎

Written : Migisha Janviére ‎