Women’s Basketball League Africa (WBLA)

Amakipe y'abagore ya APR Women Basketball na REG Women Basketball ahagarariye u Rwanda mu irushanwa rya Women’s Basketball League Africa (WBLA) riri kubera i Cairo mu Misiri, yakomeje kwitwara neza mu mikino ibanza yatangiye ku wa 5/12/2025.

Uyu munsi, APR Women Basketball yahuye na ASCVD yo muri Senegal, umukino wari ufite isura y’intambara ikomeye hagati y’amakipe yombi. APR yagaragaje umutima w’intwari n’akazi gakomeye mu kibuga, ariko ingufu n’ubunararibonye bwa ASCVD byaje kubaha intsinzi ku manota 78–71. Nubwo batsinzwe, abakobwa ba APR berekanye ko bafite umutima udacika kandi ko urugendo rukomeje.

Na ho REG Women Basketball, yo yagiye mu kibuga ifite ishyaka n’ubutwari bw’intare. Mu mukino wagendanye umwuka ukomeye, REG yatsinze SC Luanda yo muri Angola ku manota 67–64, intsinzi isa n’ivuye mu ntoki z'imana. Ni intsinzi yatumye hizihizwa ubudasa bw’umukino wabo n’umutima udatsindwa.

 Ni iki amakipe yacu yakwongera ngo akomeze kwitwara neza?

1. Gukomeza kubaka ubwirinzi bunoze (defense):

Mu mikino nk’iyi yo ku rwego rw’Afurika, gutsinda bitangira mu kubuza indi kipe gutsinda amanota menshi. APR cyane cyane ishobora kongera imbaraga mu kurinda umurongo (perimeter defense) no kugabanya amafasha menshi bahaye ASCVD.

2. Gukomeza gutsimbarara ku mikino itandukanye (set plays):

REG yabonye intsinzi ariko ikeneye gukomeza kongeramo imishinga y’imikino ifungura amanota mu bihe bikomeye. Ibi bifasha ikipe kutajya mu rujijo iyo umukino ugezemo umunaniro.

3. Kongera imbaraga mu gutsinda amanota yo hafi y'inkangara (finishing in the paint):

Amakipe yombi yakwongera gukora ku bushobozi bw’abakinnyi b’imbere (post players) kugira ngo batsinde amanota yoroheje ashingiye ku mbaraga n’amacenga.

4. Ubufatanye n’imyumvire y’umukino (team chemistry & composure):

Iyi WBLA iragusaba gukina utuje, uzi icyo ushaka, kandi wizera mugenzi wawe. APR na REG nibikomeza, izindi kipe zizahora zibarushanira inzira.

Written: Migisha Janviére